میئر کراچی بیرسٹر مرتضی وہاب نے کہا ہے کہ قیام پاکستان میں اقلیتی برادری نے مسلمانوں کے ساتھ ساتھ عظیم قربانیاں پیش کیں -
	11-Aug-2023
	میئر کراچی بیرسٹر مرتضی وہاب نے کہا ہے کہ قیام پاکستان میں اقلیتی برادری نے مسلمانوں کے ساتھ ساتھ عظیم قربانیاں پیش کیں، پاکستان کے سبز ہلالی پرچم میں سفید رنگ اقلیتوں کی نمائندگی کرتا ہے، اقلیتی برادری کو مزید حقوق دینے کے لیے میں ان کے ساتھ ہوں، یہ بات انہوں نے فریئر ہال میں اقلیتی حقوق مارچ میں شرکت کرنے کے موقع پر کہی، میئر کراچی بیرسٹر مرتضی وہاب اقلیتوں کے ساتھ اظہار یکجہتی کے لیے کچھ دیر زمین پر بیٹھے بھی رہے، اس موقع پرانہوں نے کہا کہ پاکستان پیپلز پارٹی کی قیادت اقلیتوں کو پارٹی میں یکساں حقوق دیتی ہے، ملک کی ترقی میں اقلیتوں کا اہم کردار ہے اور ہم سب ان کی تعریف کرتے ہیں،پا کستان میں اقلیتوں کو وہ تمام سیاسی، معاشی اور سماجی حقوق حاصل ہیں جن کی ضمانت آئین پاکستان نے دی ہے، تمام اقلیتیں ہمارے لئے محترم ہیں، میئر کراچی نے کہا کہ بلدیہ عظمیٰ کرچی کی سٹی کونسل میں اقلیتی کو نمائندگی حاصل ہے، کراچی میں اکثر بڑے اسپتال اور تاریخی عمارتیں اقلیتوں کی تعمیر کردہ ہیں، جدید کراچی کے بانی اور کراچی کے پہلے میئر جمشید نصر وانجی اقلیت سے تعلق رکھتے تھے، کراچی میں تمام اقلیتوں کو ان کے تہوار شایان شان طریقے سے منانے کی اجازت ہے۔