ڈپٹی میئر کراچی سلمان عبداللہ مراد نے کہا ہے کہ کورنگی ٹاؤن جلد ایک ماڈل ٹاؤن بنے گا
	10-Aug-2023
	ڈپٹی میئر کراچی سلمان عبداللہ مراد نے کہا ہے کہ کورنگی ٹاؤن جلد ایک ماڈل ٹاؤن بنے گا۔چیئرمین کورنگی ٹاؤن نعیم شیخ نے ٹرانزیش پیریڈ کے باوجود عوام کی خدمت میں مصروف ہیں، نعیم شیخ نے کم وقت میں علاقے کے لوگوں کو پارکس، روڈ کی تعمیر اور دیگر سہولیات فراہم کی ہیں، یہ بات انہوں نے چیئرمین کورنگی ٹاؤن محمد نعیم شیخ کی جانب سے کورنگی ٹاؤن آفس میں عوام کے مسائل سے آگاہی کے بنائے گئے کمپلین سیل کا دورہ کرتے ہوئے کہی، اس موقع پر صدر ضلع کورنگی جاوید شیخ، چیئرمین کورنگی ٹاؤن محمد نعیم شیخ اور وائس چیئرمین کورنگی ٹاؤن زرین اعوان نے ڈپٹی میئر سلمان عبداللہ مراد کا استقبال کیا جبکہ اس موقع پر پاکستان پیپلز پارٹی ضلع کورنگی کے عہدیداران، یوسیز کے چیئرمین، وائس چیئرمین اور ٹی ایم سی کے افسران اور جیالے بھی موجود تھے۔ڈپٹی میئر سلمان عبداللہ مراد نے چیئرمین کورنگی ٹاؤن محمد نعیم شیخ کی بہترین کارکردگی کو سراہا اور کہا کہ کورنگی کے مکینوں کے لیے بہتر سہولیات کی فراہمی احسن اقدام ہے، اس موقع پر بریفنگ دیتے ہوئے چیئرمین کورنگی ٹاؤن نعیم شیخ نے کہا کہ کمپلین سیل بنانے کا مقصد عوام کو سہولیات فراہم کرنا ہے، کمپلین سیل عوام کے لیے 24 گھنٹے کھلا رہے گا، عوام کو سہولیات فراہم کرنے کے لیے ہر وقت ٹی ایم سی کے نمائندے موجود رہے گے۔ انہوں نے کہا کہ میئر کراچی اور ڈپٹی میئر کراچی کی طرف سے حوصلہ افزائی کی ضلع میں لوگوں کے لئے مزید بہتر کام کئے جائیں گے ۔