میئر کراچی بیرسٹر مرتضی وہاب نے بلدیہ عظمیٰ کراچی کے تمام محکموں سربراہان ہدایت کی ہے کہ اپنے محکموں میں کام کرنے والے افسران اور دیگر ملازمین کی پروموشن کے کیس محکمہ ہیومن ریسورس مینجمنٹ کو ارسال کریں-
	10-Aug-2023
	میئر کراچی بیرسٹر مرتضی وہاب نے بلدیہ عظمیٰ کراچی کے تمام محکموں سربراہان ہدایت کی ہے کہ اپنے محکموں میں کام کرنے والے افسران اور دیگر ملازمین کی پروموشن کے کیس محکمہ ہیومن ریسورس مینجمنٹ کو ارسال کریں تاکہ ہر کیڈر کی سینیارٹی لسٹ کے مطابق منصفانہ اور شفاف طریقے سے ان پر کارروائی کی جاسکے، میئر کراچی نے سینئر ڈائریکٹر ہیومن ریسورس مینجمنٹ کو ہدایت کی ہے کہ محکمہ ایچ آر ایم میں زیر التواء پروموشن کیس تمام تر تفصیلات سمیت متعلقہ ڈپارمینٹل پروموشن کمیٹیوں کو بھیجے جائیں، انہوں نے کہا کہ بلدیہ عظمیٰ کراچی کے مختلف محکموں میں کام کرنے والے افسران و ملازمین اگر اپنی سنیارٹی اور اہلیت کے اعتبار سے ترقی کے حقدار ہیں تو انہیں ضرور ترقی دی جائے گی تاہم اس ضمن میں تمام تر قواعد و ضوابط اور پالیسی کو مد نظر رکھا جائے، انہوں نے کہا کہ محکمہ جاتی پروموشن کمیٹیاں تمام کیسز کا بھر پور اور بغور جائزہ لیں اور اس کی روشنی میں افسران و ملازمین کی ترقی کے لیے سفارشات پیش کی جائیں، میئر کراچی نے کہا کہ محنتی اور اہل افسران اور دیگر ملازمین کی حوصلہ افزائی کے لیے ضروری ہے کہ انہیں بر تر گریڈ میں ترقی دی جائے خصوصاً وہ تمام ملازمین جو سنیارٹی لسٹ کے اعتبار سے سرفہرست ہیں اور ترقی کا حق رکھتے ہیں، انہوں نے کہا کہ اس سلسلے میں محکمہ ہیومن ریسورس مینجمنٹ کو قواعد و ضوابط کے مطابق ملازمین کی ترقی کے معاملات پر کارروائی کی ہدایت کردی ہے۔